Gott í ofninn og á grillið

Fljótlegu og þægilegu grillbakkarnir okkar lyfta grillveislunni á hærra plan og henta vel í ofninn líka. Ferkst og niðurskorið grænmeti sem þú getur kryddað eftir eigin smekk. Betra gæti það ekki verið.

Salatblanda

Salatblanda er alhliða salat sem hentar vel með ýmis konar réttum, hvort sem er með fisknum, kjötréttinum eða í vefjuna. Í blöndunni eru fjórar tegundir af salati. Milt baby leaf (batavia) bæði rautt og grænt, kraftmikið og kryddað klettasalat og rauðrófublöð sem bera keim af rótargrænmeti. Úr verður einstaklega fallegt og bragðgott salat.

Salatblandan er einnig ríkt af næringar og steinefnum, s.s. A- vítamíni, K-vítamíni og járni, og ætti því að vera auðfúsugestur á diskinn þinn.

Hér má finna frekari upplýsingar um Salatblöndu.

Orku Þrenna

Orku Þrenna er nýtt salat þar sem blandað er saman þremur salattegundum sem gjarnan eru kallaðar "ofurfæða". Það er spínati, grænkáli og rauðrófublöðum. Orku Þrennan er góð uppspretta próteina, omega 3 fitusýra og andoxunarefna. Hún er mjög járnrík, auðug af trefjum, A-vítamíni, C-vítamíni, K-vítamíni, ríbóflavíni, B6 vítamíni, fólati, kalki, magnesíum, kalíum og kopar. Svo vitnað sé í Geir Gunnar Markússon næringarfræðing Heilsustofnunar NLFÍ: "Þetta er sannkölluð Orku Þrenna og næringarþruma, því það er leitun að matvæli sem er jafn næringarríkt af vítamínum, steinefnum, andoxunarefnum og hollum plöntuefnum og þessi blanda."

Orku Þrennan er ekki einungis holl heldur gera smálaufin í blöndunni (baby leafs) hana milda og bragðgóða.

Hér má finna frekari upplýsingar um áhrif Orku Þrennu á líkamann.

Vissir þú að...

Spínat er ein næringarríkasta fæða sem til er. Sé litið til hlutfalls af næringarefnum í hverri kaloríu er spínat meðal efstu á lista.

Spínat inniheldurhátt hlutfall af vítamínum, fólínsýru, steinefnum og járni. Þessi efni eru mikilvæg fyrir sjónina, húðina (collagen), hárið, beinin, æðarnar, tennurnar, frumskipti líkamans, taugaboðin, ónæmiskerfið og þroska heilans, svo eitthvað sé nefnt.

Spínat inniheldur einnig mikið magn af Pólýfenólum og andoxunarefnum sem hafa jákvæð heilsufarsleg áhrif á líkamann.

Það er því ekki að ástæðulausu sem spínat er kallað ofurfæða og lendir gjarnan á topp 10 lista yfir slíka fæðu.  

Spínat má borða bæði hrátt og eldað. Ef spínat eldað í stuttan tíma (1 mínúta) inniheldur það nánast sama hlutfall næringar og hrátt spínat. Sé það eldað lengur en það tapast mikilvæg næringarefni. Hrátt spínat inniheldur hinsvegar margfalt hærra hlutfall af C vítamíni en eldað en á móti inniheldur eldað spínat 24% hærra hlutfall af járni.

Næringarsérfræðingar um allan heim telja að spínat sé mikilvægur hluti af heilsusamlegu og fjölbreyttu matarræði, bæði fyrir grænmetis- og kjötætur, hvort heldur sem hrátt, soðið eða bakað.

Hér má finna frekari upplýsingar um áhrif spínats á líkamann.

Frise blanda

Frise blandan hefur slegið í gegn enda mjög gómsæt og falleg salatblanda sem fer vel á borði og enn betur í maga. Hún inniheldur frise, spínat, klettasalat og rautt salat. Þannig færðu fjölbreytta blöndu af næringarefnum á diskinn þinn.

Salatbar

Hollt & Gott framleiðir fjölbreytt úrval af salatbarsvörum fyrir verslanir, veitingahús, mötuneyti og stóreldhús. Nánast allir salatbarir í verslunum landsins eru með vörur frá Hollt & Gott. Sífellt fleiri vinnustaðir bjóða starfsfólki sínu upp á salatbar í hádeginu. Látið okkur um fyrirhöfnina og fáið ferska vöru tilbúna til neyslu.